Breaking news
10-02-2018 : 10:35:58

अमिताभ बच्चन लीलावती रुग्णालयात दाखल

10-02-2018 : 10:35:31

न्या. लोया मृत्यू : एसआयटी चौकशीची मागणी, कॉंग्रेससह 13 पक्षाच्या नेत्यांनी घेतली राष्ट्रपतींची भेट

05-02-2018 : 11:07:26

राजस्थानच्या निकालातून सत्ताधाऱ्यांविरोधात संदेश ; सचिन पायलट यांचा टोला

05-02-2018 : 11:07:15

आर्थिक दुरवस्था मान्य करण्यास सरकारचा नकार- चिदंबरम

05-02-2018 : 11:06:42

सानिया मिर्झा दुखापतीमुळे दोन महिने टेनिसपासून दूर

05-02-2018 : 10:53:55

मुंबई विमानतळाचा विश्वविक्रम;एकाच धावपट्टीवरून 980 विमानांचं टेक-ऑफ आणि लँडिंग

05-02-2018 : 10:53:28

22 भारतीय असलेलं तेलवाहू जहाज पश्चिम आफ्रिकेजवळ बेपत्ता

03-02-2018 : 10:50:20

बी. ए. चोपडे यांची बनारस हिंदू विद्यापीठाच्या कुलगुरुपदी नियुक्ती

03-02-2018 : 10:29:29

मुंबई महापालिकेचा २७,२५८ कोटींचा अर्थसंकल्प सादर

03-02-2018 : 10:28:39

कायदा गरजेचाच; मेहबुबा मुफ्ती यांच्याकडून भारतीय सैन्याचे समर्थन

03-02-2018 : 10:28:19

सुकाणू समितीचा एक मार्चपासून असहकार आंदोलनाचा इशारा

02-02-2018 : 03:37:04

तात्काळ पासपोर्ट आता अवघ्या तीन दिवसांत मिळणार

02-02-2018 : 03:35:50

हा अर्थसंकल्प शेतकऱ्यांना धोका देणारा, अण्णांचं टीकास्त्र

02-02-2018 : 03:29:04

देशहितासाठी भाजपविरोधात एकत्र या: सोनिया

26-01-2018 : 10:54:12

इलया राजा, अभय बंग, राणी बंग यांना पद्म पुरस्कार

रवी शास्त्री टीम इंडियाच्या प्रशिक्षकपदी कायम?

Image




नवी दिल्ली वृत्तसंस्था : भारतीय क्रिकेट संघाचा आगामी प्रशिक्षक कोण असणार, याची उत्सुकता सर्वानाच लागली आहे. पण टीम इंडियाच्या प्रशिक्षकपदी रवी शास्त्री हेच कायम राहणार असल्याचे वृत्त पुढे येत आहे. काही प्रसारमाध्यमांनी सूत्रांच्या हवाल्याने हे वृत्त दिले आहे. बीसीसीआयची सल्लागार समिती शास्त्री यांच्याकडेच प्रशिक्षकपदाची धुरा सोपवणार असल्याचे म्हटले जात आहे.

भारतीय संघाच्या प्रशिक्षकपदासाठी बीसीसीआयच्या वतीने अर्ज मागवण्यात आले होते. त्यानंतर कपिल देव यांच्या अध्यक्षतेखालील त्रिसदस्यीय समिती अर्ज दाखल केलेल्या उमेदवारांची मुलाखत घेणार आहे. क्रिकेट सल्लागार समितीमध्ये कपिल देव यांच्याशिवाय माजी प्रशिक्षक अंशुमन गायकवाड आणि माजी महिला क्रिकेटपटू शांता गंतास्वामी आहेत. त्रिसदस्यीय समितीने, भारतीय संघासाठी प्रशिक्षक म्हणून परदेशी उमेदवाराऐवजी भारतीय उमेदवारालाच पसंती दिली जाईल, असे सूचक विधान केले आहे. त्यामुळे कर्णधार विराट कोहली आणि रवी शास्त्री यांच्यातला ताळमेळ पाहता, प्रशिक्षक म्हणून रवी शास्त्रीच पुनरागमन करतील, असे चित्र निर्माण झाले आहे.


सध्याच्या घडीला भारतीय संघ वेस्ट इंडिजविरुद्ध ट्वेन्टी-२० मालिका खेळत आहे. भारतीय क्रिकेट संघाचे मुख्य प्रशिक्षक रवी शास्त्री यांचा कार्यकाळ विंडीज दौ-यानंतर संपणार आहे. येत्या काही दिवसांमध्ये बीसीसीआयची सल्लागार समिती प्रशिक्षकपदाबाबतचा निर्णय घेणार आहे. सल्लागार समितीने प्रशिक्षकपदाची निवड करण्यापूर्वी कर्णधार विराट कोहलीबरोबर चर्चा केली आहे. या चर्चेमध्ये विराटने शास्त्री यांनाच प्रशिक्षकपदी कायम ठेवावे, असे सांगितल्याचे म्हटले जात आहे. त्यामुळे सल्लागार समितीने कोहलीच्या मताचा मान ठेवला असून, शास्त्री यांच्याच गळ्यात प्रशिक्षकपदाची माळ कायम राहील, असे म्हटले जात आहे.

कपिल देव यांच्या समितीने प्रशिक्षकांच्या पदाचे अर्ज पडताळण्यास सुरुवात केली. सूत्रांनी दिलेल्या माहितीप्रमाणे ही समिती रवी शास्त्री यांच्या कामावर खूश आहे. त्यामुळे प्रशिक्षक म्हणून पुन्हा शास्त्री यांची नियुक्ती होऊ शकते. तसेच, १५ ऑगस्टच्या आसपास टीम इंडियाला नवा प्रशिक्षक मिळू शकतो.

भारतीय संघाच्या प्रशिक्षकपदाच्या शर्यतीत ऑस्ट्रेलियाचे माजी अष्टपैलू खेळाडू टॉम मुडी आहेत. त्यांनी २००७च्या विश्वचषक स्पर्धेत श्रीलंकेला अंतिम फेरीत पोहोचवले होते. त्यानंतर २०१२पासून टॉम मुडी आयपीएलमध्ये सनरायझर्स हैदराबादचे प्रशिक्षक म्हणून काम करत आहेत. तसेच, न्यूझीलंडचा माजी प्रशिक्षक माईक हेसन याने अर्ज दाखल केला होता. २०१५च्या विश्वचषक स्पर्धेत न्यूझीलंडला अंतिम सामन्यात पोहोचवण्यात त्यांचा मोलाचा वाटा होता.

कोचिंग स्टाफचा कार्यकाळ
सध्या कार्यरत असलेल्या भारताच्या कोचिंग स्टाफचा कार्यकाळ हा वेस्ट इंडिज दो-यापर्यंत म्हणजेच ४५ दिवस वाढवण्यात आला आहे. यात मुख्य प्रशिक्षक रवी शास्त्री, गोलंदाजीचे प्रशिक्षक भरत अरुण, फलंदाजीचे प्रशिक्षक संजय बांगर आणि क्षेत्ररक्षण प्रशिक्षक आर. श्रीधर यांचा समावेश आहे.

Source

0 Comments

Leave a reply

आपला इ मेल आयडी कुठेही प्रसिद्ध केला जाणार नाही. आपली प्रतिक्रिया थोड्यावेळाने वेबसाइटवर दिसणार आहे. कृपया प्रतिक्रिया व्यक्त करताना आक्षेपार्ह शब्दाचा वापर करू नये. आक्षेपार्ह शब्दाचा वापर केला असेल तर अश्या प्रतिक्रिया वेबसाइटवर दिसणार नाहीत याची नोंद घ्यावी.
All fields are required.
मराठी / इंग्रजी साठी CTRL+G प्रेस करा (Toggle Key)


Can't read the above security code? Refresh